داخل اولى ميكانيكا جديد وعايز تعرف هتدرس اية ؟اتفضل هنا خاص باستفسارات اولى ميكانيكا

السلام عليكم ورحمة الله وبركاته
أولا احب اعرفكم بنفسى
انا محمد بدر اولى ميكانيكا للسنة التانية على التوالى

طبعا كل الناس الللى تعرفنى من السنة اللى فاتت مستغربة

ازاى محمد بدر اللى مش كنا بنشوفه فى الجامعة اصلا هوة اللى عامل الموضوع ده

بس انا هكلمكوا على اخر حاجات سمعتها عن القسم

من بعيد طبعاهههههههه(هوة مش بعيد قوى يعنى)

اولا بقى نتكلم عن القسم بصفة عامة

انا بصراحة كنت هموت على عمارة بس الظروف حدفتنى فى ميكانيكا

ومش كنت بحب القسم ده خالص بس بعد ما دخلته وعرفت ناس كتير مخلصة بجد حبيته

لاسباب كتيرة

انه بصراحة ومن غير مجاملة افضل قسم فى هندسة

ثانيا الفروع اللى انت ممكن تشتغل فيها كتييييير قووووووى

يعنى مافيش اى موقع شغال سواء انشائى او اى حاجة تانية لازم يبقى فيها مهندس ميكانيكا على الاقل

وياسلام بقى لو ربنا كرمك بسفر برة مصر كويس

انت اكتر مهندس متخرج من هندسة بتقبض فى الخارج

والكلام ده عن ثقة

وكمان لو اشتغلت فى شركة بترول هيبقى على قلبك اقد كدة

يلا مش هنقر على الناس بقى

بصوا يا جماعة اللى دخل ميكانيكا برغبته ده شىء كويس

نيجى بقى للى داخل غصب عنه او المجموع هوة اللى جابه عندنا

بقول له قدر الله وماشاء فعل وحب القسم لانه بجد من اجمل الاقسام

وحاول تتجاهل اى افكار تانية وابعد عن تفكير ان مجموعى هوة اللى جابنى هنا

وانا كدة كدة مش هنفع يبقى خلاص مش ليها لازمة بقى

لا حاول بس تحب القسم على قد ما تقدر وان شاء الله هتتفوق فيه

نتكلم بقى عن المواد اللى ان شاء الله هتبقى عندكوا فى الترم الاول

اولا الفيزياء

الفيزيا دى مادة سهلة جدا جدا جدا وتقدر تجيب فيها تقدير بسهولة

هى محاضرة واحدة فى الاسبوع وبيدرسها الدكتورة فاطمة والدكتور محمد الشاعر

هوة يعنى الحضور مش مهم فيها قوى بس بردة ياريت ما نفوتش منها محاضرات يعنى

ومهم قوى تحضر السكاشن بتاعتها

ثانيا الرياضة

ودى الدكتور مدحت هوة اللى بيدرسها بس ادعو ربنا ان هوة اللى يدرسها السنة دى

اصل الدكتور مدحت ممكن يسافر الكلام ده من السنة اللى فاتت والله اعلم

ودى بيسموها فى ميكانيكا مادة التقدير يعنى اية ؟

يعنى لو الدكتور مدحت هوة اللى لسه موجود يبقى احضر المحاضرات واكتب كل مسألة بيقولها فى الحاضرة وهى اللى هتيجى فى الامتحان بالنص

وبردة الريبورتات اللى الدكتور بيطلبها هى اللى بيجى منها ساعات

يعنى الميد ترم بتاع السنة اللى فاتت كان الدكتور طالب ريبورتات تتسلم يوم الميد ترم

تقريبا تلت مسائل جم فى الامتحان يعنى اللى كان حالل الريبورتات كان ضامن العشرين درجة

علشان كدة بقول لكوا الريبورتات مهمة جدا

ثالثا الانتاج

والانتاج دى بيقولوا انها اصعب مادة فى الترم الاول

بس انا شايف غير كدة انا شايف انك ممكن تقدر فيها بسهولة

بصوا هى تقريبا محاضرتين فى الاسبوع

واحدة الدكتور محمود عطا والتانية الدكتور عبد العزيز سلمى ومش عارف مين تانى بيدرسها

بصوا بقى عايزين تقدروا فى المادة دى يبقى عليكوا بتل حاجات اية هى :

1-حضور الورش مهم جدا جدا جدا جدا زى انتاج اعدادى بالظبط

2-حضور المحاضرات وبالاخص محاضرات الدكتور محمود عطا لان تقريبا اللى بيقوله فى المحاضرة هوة اللى جابو فى الميد ترم وهوة اللى جابه فى الفاينل

3-الانتاج كله رسومات الرسومات دى تحفظها عن ظهر قلب لانك فى الانتاج لو رسمت بس فى المتحان ومش كتبت صدقنى هتنجح

والدكتور هوة اللى قال كدة فى امتحان الفاينل السنة اللى فاتت

رابعا الثيرمو او الديناميكا الحرارية

هى محاضرة او اتنين فى الاسبوع بس والدكتور شملول هوة اللى بيدخل فيهم تقريبا هوة والدكتورة عزة والدكتور محمد منصور علشان الشاعر ما يزعلش
الثيرمو بقى دى مادة سهلة جدا والباب فيها صغير جدا

يعنى اول تلت ابواب فى الثيرمو فى الكتاب حوالى 10 صفحات

عايز تنجح فى الثيرمو يبقى تهتم قوى بالميد تيرم واعمال السنة لان تقريبا عليها 100 درجة على ما اتذكر

والثيرمو بجد لو عايز تذاكر ذاكر من الكتاب لان كتاب الثيرمو من احسن الكتب اللى ممكن تذاكر منها ده ما يمنعش انك تشترى المذكرات طبعا

خامسا البرمجة عقدة حياتى

ودى هتاخدوا فيها لغة السى

وهيدرسها الدكتور ابراهيم زيدان اللى دايما بنسى اسمه وهى تقريبا محاضرة فى الاسبوع

ومحدش بيفهم منها حاجة على ما اعتقد انا بتكلم عن نفسى طبعا الله اعلم بالباقى

بس اللى اقدر اقوله لكوا فى البرمجة انك مهم جدا جدا جدا انك تحضر السكاشن النظرى والعملى وتسلم كل التمارين والريبورتات اللى بتتطلب منكوا

سادسا الانسانيات

دى بقى مادة النجاح زى التاريخ كدة او اسهل

هى محاضرة واحدة بس فى الاسبوع ومعظمهم الدكتور مش بيجى ولو جه

بتبقى المحاضرة نص ساعة وفى اخر السنة بتنزل مذكرة بيبقى فيها اسئلة الامتحان

اه ونسيت اقولكوا انها مش ليها ميد ترم كل اللى عليك اشترى الكتاب واضمن المقبول

وبكدة تكون مواد الترم الاول خلصت يارب اكون قدرت افيدكوا

وحاجة اخيرا طبعا يا جماعة بالنسبة للمواد اللى فوق دى كلها

مهم جدا حضور السكاشن مهم جدا جدا جدا

والاهم من كدة تسليم اى شيت اور ريبورت مطلوب منكوا مهما كان تافه

بالنسبة بقى للورق والمذكرات انا مش هقدر افيدكوا دلوقتى

اللى ممكن يفيدكوا فى حاجة زى كدة ان شاء الله هيبقى معتز

وفى الاخر ربنا يوفقكوا ان شاء الله السنة دى ويوفقنى معاكوا يارب

واى استفسار او سؤال انا تحت امركوا

تقبلوا تحياتى

» كود لصق موقع داخل موضوع
» كود لجعل نص يتحرك لليمين داخل اطار
» برنامج حقيبة المسلم ..... جديد على منتديات حياة اون لاين
» البوم صور جاااامد لمدينة الزقازيق ... جديد على منتديات حياة اون لاين
» كل ما يتعلق باكواد فودافون وموبينيل واتصالات 00 جديد على منتديت حياة أون لاين